AIARAKO INDEPENDENTZIA EGUNEKO BALORAZIOA

Ozen genion eta diogu gazteok jaiki eta independentzia eraiki behar dugula. Egunez egun, urratsez urrats, eskuz esku. GAZTEA izaki zapaldua dela. Hain da indartsua berez, hainbeste ilusio, hainbeste proiektu, hainbeste indar... ezen eta pareko patriarkatuarentzako mehatxu handia bilakatzen dela.

Horregatik altxatu ginen ehundaka gazte azaroaren 26an, Aiaraldean. Mahainguruetan 50 gazte inguru bildu ginen, hezkuntza, aisialdia, ekologismoa eta langileen egoera aztertzen. Bazkarian, 175 lagun egon ginen. Eta gauean zehar, beste hainbeste.

Euskal Herri bat dugu zain. Gure ondoan jaio ginenetik hazi eta hezi gaituzten horiekin egin dugu orain arteko bidea. Gaur ere independentzia eraikitzen ari gara. Eszenatoki berri bat dugu gure auzo eta herrietan; Araban, Euskal Herrian. Eta gu, eszenatoki horren partaide aktibo izango gara, dagokigun errealitatea eskutan hartu, hortzak erakutsi eta askatasunera tira egingo dugun gazteak.

Borroka honen historian urte asko ihesi joan dira. Baita gazte asko ere. Izan ere, ehundaka lagun izan dira gartzelaratuak, hainbat kide izan dira jazarriak. Horretagatik oztopatu nahi izan zituen gazteak ordu betez galdekatuz Guardia Zibilak Urduñako sarrera guztiak aiarako independentzia egunean.

Terrorista izendatuz izena ezabatzen saiatu dira behin eta berriz. Baina ez dira ohartzen herri honen izana urrutira doala, ez duela mugarik. Independentzia eta sozialismorako bidean tinko borrokatzen jarraituko dugula gau eta egun.

Independentzia helmuga duen bidaia luzea dela. Badakigu, baina bidea hasia dugu eta eguna heldu arte ez dugu etsiko. Lotuta gaituen soka askatzeko milaka arrazoi ditugu. Emakume zein gizon, lanean, kalean zein etxean aske izan nahi dugu. Gazteria konprometitu, kritiko eta iraultzailea. Krisi eta miseriatik harago, Euskal Herria burujabe eta beste eredu sozial eta ekonomiko bat izateko ezinbestekoa da independentzia. Gazte indarraz, lantegiak, ikastetxeak, gaztetxeak, kaleak, tabernak zein sareak irauli ditzazkegu. Eta lortuko dugu!

Bidea hasi baino ez da egin: ikasle, langile, emakume, gazte... jaiki eta independentzia eraiki!

Antolakuntzaz eta borrokaz lortuko dugu! Gora aiarako gazteria! Gora euskal gazteria!