“Gazte jaiki, Euskal Herria eraiki” hitzaldia urriaren 25ean Aiaraldeko gazte independentisten eskutik

Oharra:

     Urriaren 25ean, EAEko autonomia eguna jai egun arrotza dela eta, salaketa deia luzatu dute Aiaraldeko gazte independentistek. “Gazte jaiki, Euskal Herria eraiki” lemapean, eskualdeko Artziniega herrian lurraldetasunari buruzko hitzaldia antolatu dute.

Hala ere, goizean zehar ere izango da ekimenik. Batetik, Gernikan egingo diren herri eskoletan parte hartzera deitu dute gazteria. Bestetik, 17:00etan Artziniegan lurraldetasunaren inguruan egingo duten hitzaldira hurbiltzeko gonbita luzatu dute.

Bestalde, Laudioko gazte independentistek mobilizazio eguna antolatu dute. 11:00etan, mural tailerra egingo dute gaztetxean. 12:00etan, aldiz, “Autonomiarik ez, Bai Euskal Herriari!” lemapean kontzentrazioa burutuko dute Lamuza plazan. Arratsaldean, Artziniegako hitzaldira gerturatuko dira.

Gazteen hitzetan, jai egun arrotz eta inposatua da urriaren 25a: “Ez dator gure izaera ez nazioarekin bat, beraz, ez da jai eguna; Euskal Herria eraiki eta independentziaren alde lan egiteko beste egun bat gehiago baizik”.