MUSIKGERRILLA ARABAKO MUSIKA TALDEEI AHOTSA EMATEKO JAIO DA

Aupa peña!!
Musika arloan aritzen den Musika Kolektiboa dugu Musikgerrilla. Arabako musika
taldeei ahotsa emateko jaio da. Horrekin batera arabako musika taldeen arteko
harremana bultzatu nahi dugu, horretarako hainbat proiektu ezberdin garatu nahi
ditugu elkar ezagutarazteko. Bere funtzionamendua asanblearioa da eta edozein
Arabako musika taldeek hartu dezake parte.
Musikgerrila musikari eta musikazalez osatutako proiektua da laguntza kolektiboa
bultzatu nahi duena. Honen helburua musika egiten dugunoi eta musika gustatzen
zaigunoi baliabideak modu errazean hurbiltzea da. Musika kontsumitzeko gaur
egun dagoen eredu komertzialetik urrundu nahi dugu, beste eredu herritarrago
batera hurbiltzeko. Batzuek, kultura negozio soil batean bihurtzeko etengabeko
ahaleginak egiten dituzte, musika eta musikarien izaera ukatuz, eta
merkaturatzeko produktu batean bihurtuz. Horren aurrean kultura aske bat
bultzatzeko sortu ginen.
Gazteok gara musika egiten eta erabiltzen duen jendartearen zati handi bat.
Gazteak gara proiektu hau sortu eta aurrera ematen dugunak, nahiz eta adin
mugarik ez eduki.
Aurtengo plangintza, zuekin konpartitu nahi genuke, zuen ekarpenak jasoz eta
partehartzea bultzatuz. Proiektu hau, Arabako musikarientzako tresna gisa ulertzen
dugun heinean, ahalik eta talde gehienek parte hartzea nahi dugu. Momentu
honetan, eta proiektua hasi berria dela jakinda, hauek dira, gure helburuak:

1- Gazteiraultza.info web orrialdearen bitartez, Musikgerrilarentzat atal bat
izatea bere proiektu komunikatiboan parte hartuz, era zuzenean.
Gazteiraultza/musikgerrilla.info atal horretan, hainbat gai jorratu nahi dira:
-Arabako taldeen informazioa jaso nahi dugu (berriak, diskak
eskegi, argazkiak, bideoak...), horrela taldeen izenak zerrenda luze
batean egonik, batean “klik” egiterakoan taldearen informazio
gunean sartuko zinateke.
-Kontzertuen agenda.
-Hilero edo bi astetik behin, arabako talde bati elkarrizketa bat egin
nahi zaio, elkarrizketa hori gazteiraultza proiektu komunikatibo
osoan zabalduko delarik (gazteiraultza, web orrialde bat izateaz
gain, proiektu komunikatibo oso bat izan nahi du, aldizkaria, web-
orrialdea, Gazte Taupadak irratsaioa Hala Bedi irratian...). Beraz,
elkarrizketaren bideoa interneten eskegiko genuke, baina horrez
gain, Hala Bedi irratian Gazte Taupadak irratsaioan elkarrizketa
zuzenean egingo genuke (zuzenean jotzeko aukera emanez) eta
sortuko den aldizkarian proiekzioa izango zuen.
- Arabako taldeen berriak
- Ideia gehiago onartzen dira!! Darle al koko peña!!
ZUEN TALDEA WEB ORRIALDEAN AGERTZEKO, GUREKIN
KONTAKTATU
(musikgerrilleroak@gmail.com)

2- Taldeen arteko, harremana bultzatzeko asmotan, jai ezberdinak
antolatzeko ideia daukagu. Egun osoko egitaraua osatuz (hitzaldia,
poteoa, herri bazkaria, musika maratoia emango teldeen kontzertuekin...
adibidez). Holako egunak, guztien partehartzea eskatzen du, baina oso
interesgarriak izan daitezke gure artean ezagutzeko, eta gure
proiektuaren apologia egiteko. Egun hauek, gure kapazitatearen arabera,
hilero edo trimestrero antolatu daitezke, jai bakoitzak arabako eskualde
ezberdin batean eginez (Gasteiz, Airaldea, Lautada, Mendialdea...).
Horrela, arbako taldeen artean ere ezagutzeko aukera izango genuke.

3- Musikberbena eta elektrotzaranga bat osatzeko ideia daukagu. Talde
ezberdinetako jendea biltzea eta bertsioak eginez berbena bat antolatzea
izango litzateke helburua. Entsaiatzeko lekua Gasteizko Gaztetxea izango
zelarik. Bestalde, herri edo gazte mugimenduak egun zehatzetarako kanta
bat egitea eskatuz gero, horretarako baliabideak jarriko genituzke.

4- Bestalde, ezin dugu ahaztu musikaz gain, gazte eta herri mugimendua
bultzatzeko apustua dela hau ere. Egungo sistema ustelak, aukera gutxi
ematen dizkigu, eta horrek kontrako borroka bultzatzea ezinbestekoa zaigu.
Egungo desideologizazioaren aurrean, kontzientziak astintzea beharrezkoa
baita. Gazte iraultzaren bidean, Euskal Herrian zein mundu osoan ematen
diren zapalkuntzak salatu eta borrokatuko ditugu, gogoratu,
Musikgerrileroak gara!!! Beraz, gazteria aktibatzea eta, gazteriak proiektu
propioak autogestionatzea da helburu, era asanblearioan antolatuz.

5- IDEIA BRILANTE BAT OKURRITZEN ZAIONARENTZAT
Bueno gazteak!! Proiektu honetan parte hartu nahi baduzue, hor daukazue gure e-
maila gurekin kontaktuan jartzeko.Dena den, urrian asanblada bat burutuko da
proiektuaren inguruan hitz egiteko. Kriston mugimendu musikalaria sortu dezakegu,
baina guztion lana beharrezkoa da, gogoratu “denok eman behar dugu zerbait
gutxi batzuk dena eman behar ez dezaten”. Zuen kompromisoa handia edo ez hain
handia izan daiteke, baina garrantzitsuena bakoitzak ahal duena ematea da.
Guztion artean proiektu handia sortu dezakegulako. Musika talde bat edo
musikazalea baldin bazara, badakizu...
ANIMATU ETA PARTE HARTU!!! OHOLTZAN SU ETENIK EZ!!!
URRIAREN 28an, 18etan ASANBLADA GASTEIZKO GAZTETXEAN