HAUTESKUNDEETARAKO BOTO EZKERTIAR ETA ETA ABERTZALEA ESKATZEKO LIP DUB BAT EGINGO DUTE LAUDION

Pasaden astean azaroaren 20ko hauteskundeetarako boto ezkertiar eta abertzalea eskatzeko Lip Dub-a egiteko lehen bilera irekia egin genuen. Bilera horretan parte hartu genuenok hainbat gauza adostu genituen, tartean Lip Dub-aren abesti eta ibilbide posibleak.
1)Abestia Betagarri taldearen “Bidea gara” izatea adostu genuen.
2)Ibilbidea Laudioko Skate Parketik Herriko Plazara egitea proposatu genuen (hurrengo bileran bide hau gehiago zehaztu beharko genuke).
3)Ibilbidean zehar bozka (gutun-azal batean sartutako papeleta) esku batetik bestera pasatzea pentsatu genuen, eta ibilbidearen bukaeran gutun-azal hori “urnan” sartzea. Hala, gutun-azal hori herriko eragile ezberdinen eskuetatik igarotzea da asmoa (etxerat, esker abertzalea, ikasle abertzaleak etbr. etbr.); horrek markatuko luke bideoaren erritmoa.
Baina guzti hau oraindik nahiko gordin dago, eta denbora gure kontra daukagu. Horregatik, bigarren bilera ireki bat deitzen dugu ostiral honetarako. Bilera arratsaldeko 18:30etan izango da Laudioko gaztetxean. Bertan goian aipatutako erabakiak birplanteatu edota berretsi egingo ditugu eta behar diren prestakuntza guztiak aurrera ateratzeko lantaldeak osatuko ditugu. BERAZ, ANIMATU ETA ETOR ZAITEZTE, GUZTION PARTE HARTZE, IDEIA, ETA PROPOSAMENAK GARRANTZITSUAK BAITIRA!!!
ZABALDU DEZAGUN DEIALDI HAU AIARALDEA ZIBERNETIKO OSOAN ZEHAR