LAUDIOKO GAZTE INDEPENDENTISTEN OHARRA

Jose Angel Biguri preso aiararrak gaixotasun larria pairatzen duela-eta, Martutenen daukate preso. Duela egun batzuk Donostia ospitalean ebakuntza egin diote.Bigurik 1989ko irailetik dago kartzelan, 22 urte daramatza dispertsioaren ondorioz bere etxetik 600 km baino gehiagora; zigorra osorik dauka beteta baina betiko kartzela-zigorra dakarren 197/2006 doktrina aplikatzearen ondorioz kartzelan segitzen du.

Haatik, abenduaren 16an "Gaixo larriak askatu!Biguri askatu" plataformak deitutako manifestazioari babesa eman nahi diogu Laudioko gazte independentistok. Egoera salatzeko, egun osoko mobilizazioa egingo da herrian zehar: gose greba, atxikimendu bilketa, kontzentrazioa eta Amurrioko manifestaziora joateko deialdia. Era berean, Biguri eta beste euskal preso politikoen eskubideen defentsan abenduaren 31an Martutenera egingo den martxara hurbiltzeko deia luzatzen diogu gazte orori. 

Alabaina, Biguriren egoera ez da salatzeko dugun arrazoi bakarra. Julen Fernandez, Josu Garcia eta Manu Gonzalez herriko presoek ere, hogeina urteko espetxe zigorra bete dutela jada. Zigorraren 3/4ak beteta dituztenez gero, legearen arabera kalean aske egon beharko lukete. Alabaina, estatu espainiar eta Frantziarraren erabaki politikoagatik preso jarraitzen dute. 

Horregatik, abenduaren 16an, 31an eta urtarrilaren 7an egingo diren herri mobilizazioetan...gazteok kalera! 

GAZTE INDARRAZ PRESOAK ETXERA!