AIARA FOLK-ROCK egitasmo soziokultural berria eta berritzailea da gure eskualdean

Musika gustuko al duzu? Baduzu talderik? Aiarako 2012ko

San Prudentzio jaietan jotzea gustatuko litzaizuke?

ANIMATU ETA PARTE HARTU!!! AUKERA EMATEN DIZUGU!!!

AIARA FOLK-ROCK Aiarako 2012ko San Prudentzio jaietako pop-rock musikaren jaialdia izango da, eta Aiara inguruko gazteen taldeak izan nahi ditu protagonista.

Aiarako Udalak, beraz, oso era errazean eta doan parte hartzera animatzen zaituzte: geure jendaurrean jotzeko gogoa besterik ez da behar.

AIARA FOLK-ROCK egitasmo soziokultural berria eta berritzailea da gure eskualdean, eta funtsezko helburu bi ditu:

• Gazteen eta nerabeen artean sustatzea musikaren eta kulturaren balioa.
• Talde berri gazteenei aukera ematea euren burua ezagutarazteko.

I. AIARA FOLK-ROCK 2012 OINARRIAK:

1.- AIARA FOLK-ROCKen ez dugu inolako musika estilorik baztertzen: musika estilo guztietako gure talde berriek, kontratu diskografikorik ez dutenek, har dezakete parte jaialdian. Zehazki, Aiara inguruan bizi diren (musika taldeko kide gehienak) eta 16 urte baino gehiago dituzten (adingabeak euren legezko tutoreen baimenaz) artistek, taldeek zein bakarlariek, har dezakete parte.

2.- Jaialdian lan berriak zein bertsioak abestu ahal izango dira, 60 minutuz gehienez ere.

3.- Ez da playbackik onartuko. Bakarlarien kasuan, aldiz, musika tresnen soinua playback bidez erabiltzeko aukera egongo da.

4.- Izenak martxoaren 12ra arte eman ahal izango dira Aiarako udaletxean. Horretarako, Udalaren eskabide-orri bat bete behar da, jaialdian parte hartu nahi dela esanez. Eskaerarekin batera, honako hauek ere zehaztu beharko dira:

- Taldekideen edo bakarlariaren izen-abizenak eta adina.

- Musika taldearen izena, musika estiloa eta emanaldiaren aurreikusitako iraupena.

- Helbidea, telefonoa eta harremanetarako helbide elektronikoa.

- Adingabeen kasuan, legezko tutoreek sinatutako baimena.

5.- Behin eskabideak aurkezteko epea amaituta, Udala jarriko da harremanetan interesdunekin.

6.- Udalak honako hauek jarriko ditu jaialdian parte hartzen dutenen eskura:

- Eszenatokia.

- Soinu eta argi tresneria.

- Parte hartzaile guztientzako oparitxoa.

- AIARA FOLK-ROCK jaialdiko parte hartzaileei buruzko propaganda argitaratzea eta zabaltzea inguruko komunikabideetan.