M-19 | Epaiketa politikoen aurkako Elkartasun Gaua ospatuko da Laudion

2003an egindako protesta batengatik 19 aiarar izan ziren epaituak aurtengo urtarrilean. Bi pertsonek espetxe zigorra jaso zuten, eta besteek bi hilabetekoa. Isun ekonomiko handiak ere jaso zituzten aiararrek. Guzti honi aurre egiteko, Elkartasun gaua ospatuko da Aretako frontoian maiatzaren 19an, larunbata.

AIARALDEARREN OHARRA:

Aurtengo otsailean, 2003an ezker abertzalearen legez kanporatzea salatzeko egindako protesta bategatik urtarrilean epaitu zituzten 19 aiaraldear. Auzitegi Nazionalak bi lagunei urte bateko espetxe zigorra ezarri die, eta gainontzeko auzipetuei bi hilabeteko zigorra. Kartzela zigorrez gain, zigor ekonomiko handia jaso zuten aiararrek. Epaiketa honek, eta orohar, azken urteetan aiaraldean pairatutako errepresio ekonomikoari aurre egiteko elkartasun kontzertu bat antolatu dugu. Maiatzaren 19an, larunbata, ospatuko da Aretako (Laudio) frontoian, gaueko 9etatik aurrera. Honoko taldeek hartuko dute parte: IZATE FALTSUA, GOVERNORS, KOP eta NON SERVIUM.